Olufẹ: ki oore-ọfẹ, aanu ati alaafia jẹ tirẹ lalai ni odiwọn lati ọdọ Ọlọrun Baba wa ati Jesu Kirisiti Oluwa wa. Inu mi dun lati ki ọ kaabọ sinu oṣu Èbìbí 2025. Mo si gbadura pe ki Ọlọrun ya aye rẹ ya ohunkohun ti o ni i ṣe pẹlu ikoro nipa gbara Ẹmi rẹ. Amin.
Wayi o, mo gba adura yi fun ọ nitoripe Ọlọrun le ya aye rẹ ya ohun gbogbo ti i ṣe iriri ikoro nitootọ, lalai fi ti nkan ti o fa a ṣe. Nkan ti o kan nilo lati ṣe ni pe ki o ke pe e ninu adura, ki iwọ naa si ya ọkan rẹ ya ohun gbogbo ti o ni i ṣe pe ailẹmi idariji si ara rẹ ati si awọn miran ti wọn ti ṣe ọ ni ewu. Yoo si fi opin si gbogbo iriri ikoro ti o n ni, yoo si tun kun ọkan rẹ pẹlu ayọ.
Fun apẹrẹ, Josefu ni oniruuru iriri ikoro ninu aye rẹ. Ko si ni awọn iriri yi nitoripe o jẹ eniyan buburu sugbọn nitoripe awọn eniyan, pẹlupẹlu awọn arakunrin rẹ ti wọn jẹ ẹjẹ rẹ, gba eṣu laye lati lo wọn lati pọn ọn loju. Sibẹsibẹ, nitoripe o fi igbekẹle rẹ sinu Ọlọrun, ko si ni ẹnikẹni sinu, Ọlọrun ṣaanu fun, O fi opin si gbogbo iriri ikoro rẹ, O si tun gbe soke lọ si ibi giga. (Wo: Jẹ́nẹ́sísì 37-50)
Lafikun, a tun ni Naomi, ẹni ti oun ati Ruutu, pada wa lati ilẹ awọn ara Moabu pẹlu ọwọ-ofifo. Inu rẹ si bajẹ lori ipo ti o wa debi wipe o sọ fun awọn eniyan pe ki wọn ma pe oun ni ‘Naomi’ mọ, eyi ti o tunmọ si ‘Ọmọdara’, ṣuigbọn ki wọn ma a pe oun ni ‘Mara’, eyi ti o tunmọ si ‘Ọmọ-ikoro’. Ki si ni idi? Idi ni pe o ro wipe Ọlọrun ni O pọn idile oun loju. Ṣugbọn Ọlọrun kọ ni o pọn idile rẹ loju. Awọn ni wọn kuro ni ilẹ Juda ni asiko iyan lalai gba iṣipaya ẹmi. (Wo: Rúùtù 1)
Sibẹsibẹ, bi o tilẹ jẹ wipe oun ati ọkọ rẹ ni idi ti ikoro ṣe wọ aye wọn, Ọlọrun ṣaanu fun un, O si lo Ruutu, ẹni ti o jẹ ajeji, lati tu u ninu lọna ti o kọja ero rẹ. Ki a tilẹ sọ otitọ, ẹri awọn eniyan nipe Ọlọrun lo Ruutu lati tu u ninu ni ọna ti ko le ti ri itunu gba, bi o tilẹ ni ọmọkurin meje. (Wo: Rúùtù 4:15)
Ti Jabesi nkọ? Ile aye tirẹ naa kun fun ikoro nitorope iya rẹ pe ikoro sori aye rẹ nigba ti o bi. Sibẹsibẹ, Ọlọrun tu u silẹ kuro ninu gbogbo iriri ikoro ati inira ti o n ni nigba ti o kigbe pe e. (Wo: 1Kíróníkà 4:9-10)
Wayi o, Ọlọrun kanna yi le ṣe nkankan naa fun ọ tabi awọn nkan ti o tilẹ tun dara ju iwọnyi lọ, ti iwọ naa ba kigbe pe e. Bẹẹni, O le ya aye rẹ ya ikoro, ti o ba le kigbe pe fun iranwọ. Nitorina, bi a ti ṣe n bẹrẹ oṣu tuntun yi, ke pe Ọlọrun lati fi opin si gbogbo iriri ikoro ti o le e ma ni ni aye. Yoo si da ọ lohun, yoo si tun kun ọkan rẹ pẹlu ẹkunrẹrẹ ayọ.
Kí o ní oṣù Èbìbí 2025 aláyọ̀.
Copyright © 2025, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministryng.com or call: 08037592851 (WhatsApp Number: 08146472876)