latori tabili paito

Olufẹ: ki oore-ọfẹ ati alaafia jẹ tirẹ lẹkunrẹrẹ lati ọdọ Ọlọrun Baba wa ati Jesu Kirisiti Oluwa wa. Inu mi dun pupọ lati ki ọ kaabọ sinu ọsẹ ti o pari oṣu Òwewè 2022. Mo gbadura pe ki Ọlọrun pa ọ mọ lati wa ni ailabawọn ati ailẹbi, lẹmi, lọkan ati lara ni igba ti Jesu Kirisiti Oluwa ati Olugbala wa ba fi ara han. Amin.

Ọkan lara awọn nkan ti Oluwa sọ pe yoo ṣẹlẹ ni awọn ọjọ ikẹyin ni pe ifẹ ọpọlọpọ yo di tutu. Ki si ni idi ti eyi yoo ṣe ṣẹlẹ? Idi ni pe iwa ika yoo di pupọ si ninu aye. Njẹ eyi ko wa jẹ otitọ bi loni? Njẹ iwa ika ko ma fi ojoojumọ pọ si ni gbogbo ayika wa? (Wo: Matiu 24:12)

Wo orilẹ-ede wa, fun apẹrẹ. Wo bi idigunjalu, ijinigbe, igbesunmọnmi, agbere, iṣẹ gbajuẹ, iṣeṣo owo, ipaniyan ati lilu owo ilu ni ponpo ṣe n fi ojoojumọ pọ si. Lafikun, tun wo bi lilo ogun oloro ṣe wa di tọ́rọ́-fọ́nkálé laarin awọn ọdọ wa. Sibẹsibẹ awọn adari wa ko tilẹ ri awọn nkan wọnyi ro rara.

Nitorina, ọpọ awọn ọmọ Ọlọrun ni o ti pa igbe aye ododo ti patapata. Wọn wa n gbe aye wọn bi igba ti Oluwa ko gba wọn la rara. Ọpọ ni ko tilẹ fẹ ki ẹnikẹni sọ fun wọn pe o jẹ dandan fun wọn lati gbe igbe aye ti o tọ mọ. Sibẹsibẹ wọn n pe ara wọn ni Kirisitiẹni. Eyi si wa ni ibamu pẹlu nkan ti Oluwa wa sọ nipa bi pipọsi iwa ika yoo ṣe jẹ ki ifẹ pupọjulọ awọn onigbagbọ di tutu ni awọn ọjọ ikẹyin yi.

Ibere wa ni pe, “Ṣe ifẹ rẹ fun Oluwa ko ti da tutu nitori pipọsi iwa ika ti aye yi n ba finra ni ojoojumọ?” Ti ara rẹ ko ba ya gaga si ọrọ Ọlọrun ati adura mọ, a jẹ wipe ifẹ rẹ fun un ti di tutu niyẹn. Ti biba awọn ọmọ Ọlọrun ṣe pọ ba ti su ọ, ti o ko si fojusọna si mọ, ifẹ rẹ ti da tutu. Ti inu ba ma n bi ọ nigbakugba ti a ba mu otitọ tọ ọ wa, ifẹ rẹ ti di tutu. Lafikun, ti o ba ti di alanikanjọpọn, ti o si ma n ni ọ lara lati fi fun Ọlọrun ati lati ran awọn miran lọwọ, o ṣeeṣe ki o jẹ wipe ifẹ rẹ fun Oluwa ti di tutu.

Wayi o, ti ifẹ rẹ fun Oluwa ba ti da tutu nitoripe agbara iwa ika ti ni ipa lori rẹ, a jẹ wipe o wa labẹ ewu ki a gba ọ danu pẹlu awọn ika eniyan niyẹn. Ranti pe Oluwa sọ wipe kiki awọn ti o ba duro ṣinṣin de opin ni a o gbala (Matiu 24:13). Eyi tunmọ si pe awọn ti o jẹ onigbagbọ otitọ ninu rẹ ko ni fi igba kankan pa rinrin ninu ifẹ ati ododo rẹ ti. Dipo bẹẹ, nṣe ni wọn a duro ṣinṣin de opin, ti wọn a si ti ipasẹ eyi di ẹni igbala. Ṣugbọn awọn ti o pa rinrin ninu ododo ati ifẹ rẹ ti n fi han pe igbagbọ wọn ko fi igbakankan ri jẹ otitọ. Nitorina, dipo ki wọn ri igbala, nṣe ni wọn yoo ṣegbe.

Idi si niyi ti ọrọ Ọlọrun ṣe sọ wipe: “Nitori naa, ara ẹ tubọ maa ṣe aisinmi lati sọ ipe ati yiyan yin di dajudaju: nitori bi ẹyin ba n ṣe nnkan wọnyi, ẹyin ki yoo ṣubu. Nitori bayii ni a o pese fun yin lọpọlọpọ lati wọ ijọba ainipẹkun ti Oluwa ati Olugbala wa Jesu Kirisiti.” (2Peteru 1:10-11) Njẹ o mọ itumọ eyi bi? Ni kukuru, o tunmọ si pe iṣẹ wa ni lati ma fi ojoojumọ fi idi rẹ mulẹ pe a ti di ẹni igbala nitootọ nipa diduro ṣinṣin ninu ifẹ Ọlọrun. Eyi ni yo jẹ ki a gba awa naa, bi a ti ṣe gba Stefanu, sinu ijọba ayeraye rẹ pẹlu ayẹsi ti o ga (Iṣe Apọsiteli 8:54-60).

Ṣugbọn ti a ba ti kọ igbe aye ti a pe wa lati gbe silẹ, a jẹ wipe asán, eyi ti ko ni gbe wa de ibikankan ni iṣẹ-isin yowu ti a ro wipe a n ṣe. Adura mi ni pe igbagbọ rẹ ninu Ọlọrun ati ifẹ rẹ fun un ko ni jamọ oku ati alaiwulo ni oju rẹ nikẹyinkẹyin, ni orukọ Jesu. Amin.

Ki o ni ọsẹ ti o ga.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)

Olufẹ: ki oore-ọfẹ ati alaafia lalai lodiwọn jẹ tirẹ lati ọdọ Ọlọrun Baba wa ati Jesu Kirisiti Alabakunfun Olurapada wa. Mo ki ọ kaabọ pẹlu ayọ sinu oṣu Ọwara 2022. Mo si gbadura pe ki ọkan rẹ ma fi ojoojumọ oṣu naa gba okun lati sin Ọlọrun tọkantọkan, ki o ba le fi ẹsẹ mulẹ ni ibi ipese rẹ fun ọ, ni orukọ Jesu. Amin.

Ọkan lara ẹkọ ti itan Ọba Sọọlu ti o wa ninu bibeli kọ wa ni pe fifasẹyin tabi riroju lati ṣe ifẹ Ọlọrun ni ẹkunrẹrẹ ko yatọ rara ni buburu si aigbọran patapata si aṣẹ rẹ. Eyi ṣi le jẹ ki a sọ aye wa nu ninu eto rẹ. Bi itan naa ti ṣe lọ, Ọlọrun, nipasẹ Samuẹli, pa aṣẹ taarataara pe ki Ọba Sọọlu lọ kọlu awọn ara Amaleki, ki o si pa awọn ati awọn nkan ini wọn run patapata. Ṣe o wa lọ tabi ko lọ? O kuku lọ. O lọ lati ba awọn ara Amaleki ja ati lati pa awọn ati gbogbo nkan ini wọn run.

Amọ ṣa, nigba ti o de ibẹ, o kuna lati pa aṣẹ Ọlọrun mọ ni ẹkunrẹrẹ. Iwọ naa wo bi bibeli ṣe ṣe alaye ọrọ naa: “Sọọlu si kọlu Amaleki lati Hafila titi de Ṣuri, ti o wa ni apa keji Ijibiti. O si mu Agagi Ọba Amaleki laaye, o si fi oju ida run gbogbo awọn eniyan naa. Ṣugbọn Sọọlu ati awọn eniyan naa da Agagi si ati eyi ti o dara julọ ninu agutan ati ninu maalu, ati ohun eyi ti o dara tobẹẹ ninu wọn, ati ọdọ agutan abọpa, ati gbogbo nnkan ti o dara; wọn ko si fẹ pa wọn run: ṣugbọn gbogbo nnkan ti ko dara ti koo si nilaari ni wọn parun patapata.” (1Samuẹli 15:7-9)

Njẹ o ri bayi? Ṣọọlu ati awọn jagunjagun rẹ fa ṣeyin lati pa gbogbo awọn ẹran ọsin awọn ara Amaleki run nitori ojukokoro. Lotitọ, wọn pa gbogbo awọn eniyan yi ati gbogbo awọn ẹran ọsin wọn ti ko nilari ati ti o ya abirun run. Ṣugbọn wọn ko ṣetan lati pa awọn ẹran ọsin wọn ti o dara julọ run. Bawo si ni Ọlọrun ṣe da ẹjọ eyi? O da gẹgẹ bi ẹjọ aigbọran patapata ati iṣọtẹ si i. Nitorina, O gba ijọba Sọọlu kuro lọwọ rẹ ati kuro lọwọ awọn arọmọdọmọ rẹ, O si fi le ẹlomiran lọwọ.

Nibakanna, ti awa naa ba n fa sẹyin lati ṣe ifẹ Ọlọrun de oju oṣuwọn ni abala aye wa kan tabi omiran, O le ri gẹgẹ bi aigbọran si ni gbogbo ọna. Eyi tunmọ si pe aigbọran diẹ si Ọlọrun ko yatọ rara si aigbọran patapata si i. Eyi si le jẹ ki a padanu awọn ààyè tabi igbega kan ti O ti ya sọtọ silẹ fun wọn. Nitorina, ti a ba ri abale aye rẹ kankan ninu eyi ti o ti n fa ṣẹyin tabi lọra lati ṣe ifẹ Ọlọrun fun ọ, nṣe ni ki o tun ọna rẹ ṣe, ki o si bẹrẹ si ni ṣe ohun ti o tọ ki o to pẹ ju.

Gẹgẹ bi ẹnikan, mo mọ itunmọ ki eniyan mọ nkan ti Ọlọrun fẹ ki o ṣe, sibẹsibẹ ki o ma fẹ lati ṣe e. O le jẹ nitori awọn igbadun ranpẹ ti o n jẹ nipasẹ lilodi si ifẹ Ọlọrun ni tabi nitori ibẹru awọn eniyan tabi nitori ifẹ oriyin awọn eniyan. Ohun yowu ti idi naa le jẹ, fifasẹyin lati ṣe ifẹ Ọlọrun di dandan ki o ko wa sinu iyọnu lẹyin-ọ-rẹyin.

Jesu Oluwa, ninu lẹta rẹ si ijọ Tiatira, sọ eyi nipa ọkan lara awọn obinrin wọn: “Emi si fun un ni akoko ti o to lati ronupiwada; ko si fẹ ronupiwada kuro ninu agbere rẹ. Kiyesi i, Emi o gbe e sọ sori ibusun aisan, ati awọn ti n ṣe pansaga pẹlu rẹ ni Emi o fi sinu ipọnju nla, bi ko ṣe pe wọn ba ronupiwada kuro ninu agbere wọn pẹlu rẹ. Emi o si pa awọn ọmọ rẹ; gbogbo ijọ ni yoo si mọ pe, Emi ni ẹni ti n wadii inu ati ọkan: Emi o si fifun olukuluku yin gẹgẹ bi iṣẹ yin.” (Ifihan 2:21-23) Njẹ o ri bayẹn? Oluwa fẹ fi iya jẹ arabinrin yi ati awọn ti o n rin nipa ọna agbere ati ibọriṣa rẹ pẹlu aisan ati iku. Ki ni idi? Idi ni pe oun fa sẹyin lati ronupiwada, ki o si ṣe ifẹ rẹ.

Nitorina, ko si ẹni ti o le sọ pato ọna ti Oluwa yoo gba ṣe idajọ fifasẹyin lati ṣe ifẹ rẹ ni abala aye wa yowu ti a ba ti fa sẹyin lati ṣe ifẹ rẹ. Boya O tilẹ ti n ṣe idajọ wa fun fifasẹyin wa lati fi tọkantọkan ṣe ifẹ rẹ ni awọn abala aye wa kan. A le ma mọ eleyi titi lailai, ti ko ba jẹ wipe O fi ohun ti O n ṣe han wa. Ṣugbọn yala a mọ tabi a ko mọ, ohun ti o ṣe pataki ni pe kí á má fi àkókò ṣòfò rara lati ṣe ohun ti O fẹ ki a ṣe ni gbogbo abala aye wa. Aijẹbẹ, nkan le bajẹ si fun wa ju bi wọn ti ṣe wa yi lọ. Mo wa gbadura pe ki Ọlọrun ṣe ọkan rẹ yẹ ni ibi yowu ti o ba ti n fa ṣẹyin lati ṣe ifẹ rẹ, ki O si tun fun ọ ni okun lati ṣe ohun ti o tọ ki o to pẹ ju. Amin.

Ki o ni oṣu Ọwara 2022 ti o ga.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)

Olufẹ: ki oore-ọfẹ, aanu ati alaafia jẹ tirẹ lati ọdọ Ọlọrun Baba wa ati Jesu Kirisiti Oluwa wa. Inu mi dun lati ki ọ kaabọ sinu ọsẹ ti o kẹyin oṣu Òwewè 2022. Adura mi si ni pe ki Ọlọrun pa ohun gbogbo ti o jẹ tirẹ ati ohun gbogbo tí Ó ti yàn fun igbadun rẹ lọdun yi mọ fun ọ, ni orukọ Jesu. Amin.

Mo gba adura yi fun ọ nitori pe o wa ni ibamu pẹlu ọrọ Dafidi ninu Saamu rẹ ti o wi pe, “Oluwa ni ipin ini mi, ati ti aago mi: iwọ ni o mu ipin mi duro.” (Saamu 16:5) Tani o pa ipin Dafidi mọ fun un? Ọlọrun! Ta si ni ẹnikan ṣoṣo naa ti o le pa ipin wa, èrè wa, iṣẹ́ wa, ipò wa, ayọ̀ wa, alaafia wa, ibaṣepọ wa ati aye wa mọ fun wa? Ọlọrun! Idi si ni yi ti a fi gbọdọ kọ lati ma fi ojoojumọ ko ohun gbogbo ti a ni ati ti o jẹmọ aye wa le lọwọ.

Amọ ṣa o, bi a ti ṣe n fi igbekẹle wa sinu Ọlọrun lati pa ipin wa ninu aye yi mọ fun wa ati lati ri pe a ko ja wa lole tabi yan wa jẹ, awa naa gbọdọ ri daju pe a ko ma ji nkan awọn miran tabi ja wọn lole. Ọrọ Ọlọrun sọ wipe, “Ki ẹni ti n jale ma ṣe jale mọ: ṣugbọn ki o kuku maa ṣe laalaa, ki o maa fi ọwọ rẹ ṣiṣẹ ohun ti o dara, ki oun ki o le ni lati pin fun ẹni ti o ṣe alaini.” (Efesu 4:28) Nitorina, ti o ba n ja awọn ti o wa ni ayika rẹ lole lọnakọna, o ni lati fi opin si.

O si yẹ ki o mọ pe a ko nilo lati gbe ibọn ki a to ji nkan awọn eniyan. Igbakigba ti a ba mu fun ara wa ohunkohun ti a ko fun wa ni aye, aṣẹ tabi oore-ọfẹ lati mu lati ọdọ elomiran, nṣe ni a n jale. Lafikun, igbakigba ti a ba kọ lati san owo ọya awọn eniyan, ile-iṣẹ tabi ijọba fun nkan ti wọn ba wa ṣe tabi iṣẹ ti wọn ṣe fun wa, nṣe ni a n ja wọn lole. O si di dandan ki awọn nkan wọnyi pa ipamọ awọn nkan ti o jẹ ti wa lara ni ọna kan tabi omiran.

Siwaju si, bi a ti ṣe n fi igbẹkẹle wa sinu Ọlọrun lati pa ipin wa mọ fun wa, a tun nilo lati ṣo ara wa lati ma ja a lole. Bawo ni a ṣe le ja Ọlọrun lole? Ṣe nipa mimu owo fun ara wa ninu apo ọrẹ ni tabi nipa fifọ ilẹ ijọsin, ki a si ko owo tabi awọn ohun elo ti a ba ba nibẹ lọ ni? Bẹẹni, nṣe ni a n ja Ọlọrun lole ti a ba ṣe ọkankan ninu awọn eyi. Eyi yoo si pa ipamọ wa ati ipamọ awọn nkan ini wa lara. Ṣugbọn, jija Ọlọrun lole le ju awọn nkan wọnyi lọ. Jija Ọlọrun lole tun ni i ṣe pẹlu ki a fi awọn nkan ti o yẹ ki a fun awọn iranṣẹ rẹ ti O ran si wa lati tọju wa pamọ fun ara wa.

Ki ni idi ti Ọlọrun fi pe awọn Juu igba aye Málákì ni ole? Ṣe nitori pe wọn fọ ilẹ iṣura Tẹmpili ni, ti wọn si ji awọn nkan ti o wa nibẹ? Rara! Idi ni pe wọn kọ lati fun awọn alufa Ọlọrun ti o n tọju wọn ni idamẹwa ati ọrẹ ti o yẹ fun itọju wọn. Ki wa ni idi ti a fi sọ fun wọn pe ki wọn ma fun awọn alufa yi ni idamẹwa ati ọrẹ wọn? Idi ni pe Ọlọrun ko fun wọn ni ipin kankan ni ilẹ wọn ati wipe O ti pa a laṣẹ fun wọn lati fi ara wọn jin lati sin awọn eniyan yi. Nitorina, nipa kikọ lati fun awọn alufa yi ni awọn nkan ti o tọ si wọn, awọn eniyan wọnyi n ja wọn lole ni, wọn si tun n ja Ọlọrun ti O yan wọn lati sin wọn lole pẹlu. Abalajọ ti awọn ati awọn nkan ini wọn ko ṣe wa ni ipamọ kuro lọwọ iṣẹ awọn ajẹnirun.

Ni bakan naa, Oluwa ti pa a laṣẹ fun awa naa lati tọju awọn ti O ran lati mojuto wa pẹlu nkan ini wa. Nitorina, nigba ti O n ran awọn apọsiteli rẹ jade lati waasu, ko fun wọn ni owo kankan lati mu lọwọ lọ. Lafikun, ko fi owo kankan silẹ fun wọn nigba ti O n goke wọn inu awọn ọrun lọ. Idi si ni pe O n reti ki awọn ti wọn yoo ṣiṣẹ sin lati tọju wọn. Ọrọ rẹ ni eyi: “Owo ọya alagbaṣe tọ si.” Nitorina, ti awọn ti wọn n ṣiṣẹ sin ko ba tọju wọn, a jẹ wipe wọn n ja wọn lole niyẹn. O si di dandan, bi Oluwa wa ti sọ siwaju, ki eyi ma jẹ ki awọn Ibukun ti o sorọ mọ iṣẹ iranṣẹ wọn sọkale ni kikun sori aye wọn. (Wo: Luuku 10:1-7; 1Kọrinnti 9:14; Galatia 6:6)

Nitorina, ti a ko ba mu fifi fun awọn iranṣẹ Ọlọrun wa lati gbe wọn ro ni ọkunkundun (AWỌN PERETE NI WỌN SI SABA MA N MU EYI NI ỌKUNKUNDUN NI ỌPỌ AWỌN IJỌ WA), nṣe ni a n ja wọn lole, ti a si tun n ja Ọlọrun lole pẹlu. Bawo wa ni a ṣe fẹ reti pe ki awọn Ibukun iṣẹ iranṣẹ wọn ṣiṣẹ ni kikun ninu wa tabi reti pe ki awọn nkan ti Ọlọrun fun wa wa ni ipamọ kuro lọwọ awọn ajẹnirun? Eyi gan si jẹ alaye fun bi awọn ọmọ Ọlọrun ko ki ṣe fi taratara di ọlọrọ ninu awọn ijọ ti wọn ki ti i fi tayọtayọ tọju awọn adari wọn ni ọna ti o peye. Irufẹ awọn ara yi le fi ara wọn jin lotitọ lati takete si ẹṣẹ ati lati ma rin ninu ododo. Ṣugbọn wọn ko ni lu aluyọ bi awọn ọmọ Ọlọrun miran ti wọn ko fi ara wọn jin lati ma gbe igbe aye ododo bi ti wọn ṣugbọn ti wọn fi ara wọn jin fun titọju awọn adari wọn.

Ni kukuru, kokọ nkan ti a n sọ ni pe ti o ba n ja Ọlọrun lole nipa jija awọn iranṣẹ rẹ lole awọn nkan ti o yẹ ki o ma a fifun wọn tabi ṣe fun wọn, yoo pa ifarahan ati ipamọ iṣoriire rẹ lara ni ọna ti ko dara. Nitorina, ronupiwada bayi, ki o si bẹrẹ si ni ṣe ohun ti o tọ. Aijẹbẹ, Satani ko ni ye ri anfaani lati ja iwọ naa lole.

Kí o ní ọ̀sẹ̀ tí ó lárinrin.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)

Olufẹ: ki oore-ọfẹ, aanu ati alaafia jẹ tirẹ titi lailai lati ọdọ Ọlọrun Baba wa ati Jesu Kirisiti Oluwa wa. Pẹlu idunu ni mo ki ọ kaabọ sinu ọsẹ miran ninu oṣu Owéwè 2022. Mo si gbadura pe ki Ọlọrun kun ọkan rẹ pẹlu ọgbọn ti o peye lati rin pẹlu awọn ọmọ rẹ ti o wa ninu aye rẹ pẹlu ifẹ ati oye, ki ibaṣepọ rẹ pẹlu wọn ba le ma fi gbogbo igba yọri si iwuri ati ìṣoríire fun wọn dipo ikoro. Amin.

Bi a ti ṣe ri ninu bibeli, ko si talaka kankan ninu ijọ ni awọn ọjọ wọnni. Ki si ni idi? Luuku sọ fun wa pe idi ni pe, lati igba de igba, awọn ọmọ ijọ ti wọn ni nkan ini n ta wọn, wọn si n mu owo ti wọn pa nidi rẹ wa fun awọn Apọsiteli Oluwa lati pin fun awọn ti o ṣe alaini. Eyi tunmọ si pe ko ki i ṣe ipade akanṣe adura ati awẹ tabi ipade ìfowólọ́lẹ̀ ni o fọ ìṣẹ́ danu kuro laarin awọn ọmọ Ọlọrun ni igba yẹn. Dipo eyi, nipasẹ lilawọ ni a ṣe fọ ìṣẹ́ danu kuro laarin wọn. Ki lo si fa ti awọn ara ti wọn lawọ yi ṣe lawọ bi wọn ti ṣe lawọ? Ifẹ Kirisiti ninu wọn ni o fa. (Wo: Ìṣe Àpọ́sítélì 4:34-35; 2Kọ́rínntì 5:14)

Ṣugbọn ṣe lilawọ nikan to lati fọ ìṣẹ́ danu kuro laarin awọn ọmọ Ọlọrun tabi ni ibikibi? Rara o! Ti awọn eniyan ko ba fi iṣẹ́ ọwọ́ ti o ni itunmọ kun irufẹ ififunni yowu ti wọn ba ri gba, o ṣeeṣe ki ififunni na ma ja mọ nkankan ninu aye wọn. Nṣe ni wọn yoo kan ma ko nkan ti a n fun jẹ lasan dipo ki wọn ma sọ di pupọ si. Idi si ni yi ti o fi jẹ wipe ko ki i ṣe fifi funni nikan ni awọn apọsiteli igbaani kọ awọn ara; wọn tun kọ wọn lati jẹ oṣiṣẹ ti o mura ṣiṣẹ, ti o si n ṣiṣẹ takuntakun pẹlu. Wọn tilẹ mu ni ọranyan pe ẹnikẹni ti ko ba ni ṣiṣẹ ko gbọdọ jẹun. Idi si ni pe wọn ko fẹ ki awọn ti o n gba iranwọ ninu ijọ fi iranwọ ti wọn n gba ṣofo tabi ki wọn sọ ara wọn di bukuta ti ko nidi si ọrun awọn miran. (Wo: Ìṣe àpọ́sítélì 20:34-35; Éfésù 4:28; 1Tẹsalóníkà 4:11-12; 2Tẹsalóníkà 3:6-10)

O wa ṣeni laanu pe ọpọ loni ti o fẹ ki ijọ ran wọn lọwọ ni ko ṣetan lati mu iṣẹ kankan ti o ni itunmọ, ti yoo si jẹ ki wọn le sọ iranwọ yowu ti wọn ba ri gba di gbigboro si ṣe. Nṣe ni wọn kan fẹ ki ijọ ma gbe bukata ti awọn funralara wọn ko mura tabi ṣetan lati gbe. Eyi ko si le ṣiṣẹ. Eyi gan paapaa jẹ ọkan lara awọn idi ti ọpọ ninu awọn ijọ wa loni ko fi ni alakalẹ ti o lojutu kankan fun iranlọwọ awọn ọmọ Ọlọrun ti o kudiẹ-kaato fun. Iriri ti kọ wọn pe ọpọ ti o n fẹ iranwọ lati ọwọ ijọ ni o jẹ ọlẹ tabi alainikanṣe eniyan, ti wọn kan n wa aye lati ṣi oore-ọfẹ Ọlọrun lo. O tilẹ di dandan ki awọn miran lara awọn wọnyi parẹ́ ni kete ti wọn ba ti ri iranwọ ti wọn fẹ gba. Nitorina ti o ba fẹ ki ijọ ran ọ lọwọ ni ọna kan tabi omiran, o nilo lati fi han daju ṣaka pe o ko ni lu ijọ Ọlọrun ni jibiti ati wipe iwọ yoo jẹ ki iranwọ ti o ba ri gba ja mọ nkan.

Nkan miran ti o jẹ ki lilawọ awọn eniyan mimọ igbaani yi ṣe aṣeyọri lati le ìṣẹ́ kuro laarin wọn ni pe lilawọ wọn ko fi si apa kan. Eyi tunmọ si pe ko ki i ṣe wipe awọn ti wọn n fifunni n fifunni lati sọ awọn kan di ọlọrọ nigba ti awọn n da otoṣi. Lafikun, ko ki i ṣe pe awọn ti wọn n fifunni nikan naa ni wọn n fifunni, gẹgẹ bi ko si ki i ṣe pe awọn ti wọn ri gba naa kan n fi gbogbo igba tẹwọgba ififunni awọn miran. Dipo eyi, nṣe ni ẹkọkọọkan n kopa ninu riran ara wọn lọwọ ni ibamu pẹlu bi nkan ini wọn ti pọ to ati ni ibamu pẹlu aini wọn. (Wo: 2Kọrinnti 8:13-15)

Ki lo wa fa ti eyi ko ṣe ri bẹ ni ọpọ ijọ wa loni? Idi ni pe awọn adari wa ko ma kọ wa lati ma jẹ alanikanjọpọn ninu ibaṣepọ wa pẹlu ara wa bi awọn apọsiteli igbani ti ṣe kọ awọn ará wọn. Fun apẹrẹ, Pọọlu sọ eyi fun awọn ara Fílípì: “Ki olukuluku yin ki o ma ṣe wa ohun tirẹ nikan, ṣugbọn olukuluku ohun ti ẹlomiran.” (Fílípì 2:4) Njẹ o ri bayi? A kọ awọn ara yi lati ma mọ ti ara wọn nikan, lati ma fi ọkan si kiki nkan ti wọn le ri gba lati ọwọ awọn ẹlomiran ṣugbọn lati tun fi ọkan si nkan ti awọn naa le ṣe fun awọn miran tabi fun wọn. Ṣugbọn ọpọ ninu ijọ loni ni o jẹ wipe kiki nkan ti wọn yoo ri gba lọwọ awọn miran ni wọn ma n wa, wọn ko ki i wa nkan ti awọn naa le ṣe fun awọn miran. Niwọn igba ti a ba si ri bayi, ko si ni ki iṣeṣi wa ma rin awọn ti wọn n ran wa lọwọ lara, ki awọn naa ṣi wa yi iṣeṣi wọn si wa pada to ba ya.

Nitorina ti a ba fẹ fọ ìṣẹ́ danu kuro ninu awọn ijọ wa, a gbọdọ kọbiara si awọn nkan mẹta yi, yatọ si pe ki a fi ọkan wa tẹ Ọlọrun lati pese fun aini wa gbogbo. Àkọ́kọ́, a gbọdọ jẹ ki ifẹ mu wa lọkan le lati lawọ si ara wa. Èkejì, gbogbo awa ti ara ati ọkan wa pe perepere ni a gbọdọ wa iṣẹ kan ti o ni itunmọ ṣe, ki a ma ba di bukata aye wa le ẹnikẹni lori lalai ni idi. Ẹ̀kẹta, ko gbọdọ jẹ kiki nkan ti a fẹ ri gba lọwọ ijọ tabi lọwọ awọn miran ni ko ma wa ni ọkan wa ṣugbọn nkan ti awa naa le fun awọn miran pẹlu. Ki Ẹmi Ọlọrun ṣi jẹ ki a ṣe bẹẹ gẹgẹ, ni orukọ Jesu. Amin.

Ki o ni ọsẹ ti o ga.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)

Olufẹ: ki oore-ọfẹ, aanu ati alaafia jẹ tirẹ lati ọdọ Ọlọrun Baba wa ati Jesu Kirisiti Oluwa wa. Inu mi dun lati ki ọ kaabọ sinu oṣu Òwewè 2022. Adura mi si ni pe ohunkohun ko ni di ọkankan lara awọn nkan daradara ti Ọlọrun ti pese silẹ fun igbadun rẹ ninu oṣu naa lọwọ lati jẹ tirẹ, ni orukọ Jesu. Amin.

Wayi o, ti a ba n sọ wipe awọn eniyan n ni iriri idilọwọ, ko ki i ṣe gbogbo igba naa ni o jẹ wipe Satani ni o wa nidi rẹ. Ni igba miran, Ọlọrun funrarẹ gan ni O ma n wa nidi rẹ. Ki wa ni idi ti Ọlọrun, ti o fẹ araye to bẹ gẹẹ ti O fi fi ọmọ bibi rẹ kan ṣoṣo fun wọn, le fẹ di ọkunrin tabi obinrin kan lọwọ lati ma ni itẹsiwaju laye? Igberaga lo ma n fa a.

Ati Jemisi ati Peteru ni wọn jọ dijọ sọ fun wa ninu episiteli wọn pe Ọlọrun a ma kọ oju-ija si agberaga ṣugbọn a si fi oore-ọfẹ fun onirẹlẹ (Jémìsì 4:6; 1Pétérù 5:5). Nitorina, ti o ba gberaga, o yẹ ki o ma reti Ọlọrun lati di ilọsiwaju rẹ lọwọ ni awọn abala aye rẹ kan tabi ni gbogbo abala aye rẹ. Ọna kan ti a si ma n ṣaba gba fi igberaga han ninu aye wa, lalai tilẹ mọ, ni nipa kikọ lati tẹriba fun awọn alaṣẹ.

Bi a ti ṣe ri ninu bibeli, awọn eniyan wa ti Ọlọrun ti pa aṣẹ fun wa lati tẹriba fun. Fun apẹẹrẹ, awọn obi wa, awọn ọkọ wa, awọn agbaniṣiṣẹ ati ọga wa, awọn adari ilu wa ati awọn adari ijọba wa wa lara awọn ti O fẹ ki a ma tẹriba fun. Ko fẹ ki a tabuku awọn wọnyi tabi ki a ṣe aigbọran si wọn, niwọn igba ti awọn aṣẹ wọn ko ba ti tako ọrọ rẹ ati ilana rẹ fun igbe aye ododo. Ti a ba wa kọ eti didi si eyi, ti a si bẹrẹ si ni tabuku wọn, nṣe ni a n rin ninu igberaga; o si di dandan ki a bẹrẹ si ni ri iṣẹ Ọlọrun lodi si ilọsiwaju wa. Oun nikan lo si wa mọ iye awa ti a n ni idaduro ati idilọwọ laye nitori eyi. (Wo: Róòmù 13:1-5; Éfésù 5:22; Éfésù 6:1-3; 1Pétérù 2:13-14; 1Pétérù 3:1-2)

Siwaju si, ninu ijọ, Oluwa kọ wa lati tẹriba fun awọn adari wa ni ibọwọ fun Kirisiti. Eyi tunmọ si pe ijọ Ọlọrun ko ki i ṣe ibi ti o ti le ma gun ejika, ki o si tun ma ṣe bo ba ti ṣe wu ẹ. Awọn eniyan wa nibẹ ti Ọlọrun ti yan si ori rẹ lati ṣọna lori ọkan rẹ ati lati mojuto ọ, ki o ba le da ohun gbogbo ti O fẹ ki o da. O wa ṣe pataki ki o tẹriba fun awọn wọnyi, ki o si ma jẹ ki o ṣoro fun wọn lati dari rẹ, niwọn igba ti ko ba ki i ṣe pe wọn fẹ dari rẹ kuro ninu otitọ Ọlọrun. Aijẹbẹ, bi bibeli ti ṣe fi ye wa, ko le ṣe ọ ni anfaani rara. Dandan ni ki Ọlọrun ba ọ wi ni ibamu pẹlu igberaga rẹ. (Wo: Hébérù 13:17)

O wa ṣeni laanu pe ọpọ ninu ijọ loni ni igberaga kọ jẹ ki wọn fi ara balẹ kọ awọn nkan ti yoo ṣe wọn ni anfaani tabi ti yoo jẹ ki wọn ni iriri ẹkunrẹrẹ didara Ọlọrun ti ko ba jẹ ti wọn nipasẹ awọn adari wọn. Awọn wọnyi dabi awọn gbajumọ aarin awọn ọkunrin Tẹ́kóà ti a mẹnuba ninu iwe Nehemáyà, ti wọn kọ lati teriba fun awọn adari wọn ni akoko ti gbogbo awọn eniyan n tun odi Jerusalẹmu mọ (Nehemáyà 3:5). Iru awọn eniyan yi n ma n di ilọsiwaju iṣẹ Ọlọrun laarin awọn eniyan rẹ lọwọ laimọ. Nitorina, Oun naa a si din ọwọ iṣẹ rẹ ku ninu aye wọn.

Ṣe o wa ri bayi pe iṣọtẹ si awọn alaṣẹ ko le ṣe ọ ni anfaani rara. Nitorina, ri daju pe o mojuto irufẹ igberaga yowu ti o le wa ninu rẹ, ti o si n jẹ ki o ṣe orikunkun si awọn ti Ọlọrun ti yan gẹgẹ bi adari fun ọ. Ki Ẹmi Ọlọrun dari rẹ, ki O si tun fun ọ ni okun lati ṣe ohun ti o tọ lori ọrọ yi, ni orukọ Jesu. Amin.

Ki o ni ọsẹ alarinrin.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)

Olufẹ: ki oore-ọfẹ, aanu ati alaafia jẹ tirẹ lati ọdọ Ọlọrun Baba wa ati Jesu Kirisiti Oluwa wa. Inu mi dun lati ki ọ kaabọ sinu oṣu Òwewè 2022. Adura mi si ni pe ohunkohun ko ni di ọkankan lara awọn nkan daradara ti Ọlọrun ti pese silẹ fun igbadun rẹ ninu oṣu naa lọwọ lati jẹ tirẹ, ni orukọ Jesu. Amin.

Wayi o, ti a ba n sọ wipe awọn eniyan n ni iriri idilọwọ, ko ki i ṣe gbogbo igba naa ni o jẹ wipe Satani ni o wa nidi rẹ. Ni igba miran, Ọlọrun funrarẹ gan ni O ma n wa nidi rẹ. Ki wa ni idi ti Ọlọrun, ti o fẹ araye to bẹ gẹẹ ti O fi fi ọmọ bibi rẹ kan ṣoṣo fun wọn, le fẹ di ọkunrin tabi obinrin kan lọwọ lati ma ni itẹsiwaju laye? Igberaga lo ma n fa a.

Ati Jemisi ati Peteru ni wọn jọ dijọ sọ fun wa ninu episiteli wọn pe Ọlọrun a ma kọ oju-ija si agberaga ṣugbọn a si fi oore-ọfẹ fun onirẹlẹ (Jémìsì 4:6; 1Pétérù 5:5). Nitorina, ti o ba gberaga, o yẹ ki o ma reti Ọlọrun lati di ilọsiwaju rẹ lọwọ ni awọn abala aye rẹ kan tabi ni gbogbo abala aye rẹ. Ọna kan ti a si ma n ṣaba gba fi igberaga han ninu aye wa, lalai tilẹ mọ, ni nipa kikọ lati tẹriba fun awọn alaṣẹ.

Bi a ti ṣe ri ninu bibeli, awọn eniyan wa ti Ọlọrun ti pa aṣẹ fun wa lati tẹriba fun. Fun apẹẹrẹ, awọn obi wa, awọn ọkọ wa, awọn agbaniṣiṣẹ ati ọga wa, awọn adari ilu wa ati awọn adari ijọba wa wa lara awọn ti O fẹ ki a ma tẹriba fun. Ko fẹ ki a tabuku awọn wọnyi tabi ki a ṣe aigbọran si wọn, niwọn igba ti awọn aṣẹ wọn ko ba ti tako ọrọ rẹ ati ilana rẹ fun igbe aye ododo. Ti a ba wa kọ eti didi si eyi, ti a si bẹrẹ si ni tabuku wọn, nṣe ni a n rin ninu igberaga; o si di dandan ki a bẹrẹ si ni ri iṣẹ Ọlọrun lodi si ilọsiwaju wa. Oun nikan lo si wa mọ iye awa ti a n ni idaduro ati idilọwọ laye nitori eyi. (Wo: Róòmù 13:1-5; Éfésù 5:22; Éfésù 6:1-3; 1Pétérù 2:13-14; 1Pétérù 3:1-2)

Siwaju si, ninu ijọ, Oluwa kọ wa lati tẹriba fun awọn adari wa ni ibọwọ fun Kirisiti. Eyi tunmọ si pe ijọ Ọlọrun ko ki i ṣe ibi ti o ti le ma gun ejika, ki o si tun ma ṣe bo ba ti ṣe wu ẹ. Awọn eniyan wa nibẹ ti Ọlọrun ti yan si ori rẹ lati ṣọna lori ọkan rẹ ati lati mojuto ọ, ki o ba le da ohun gbogbo ti O fẹ ki o da. O wa ṣe pataki ki o tẹriba fun awọn wọnyi, ki o si ma jẹ ki o ṣoro fun wọn lati dari rẹ, niwọn igba ti ko ba ki i ṣe pe wọn fẹ dari rẹ kuro ninu otitọ Ọlọrun. Aijẹbẹ, bi bibeli ti ṣe fi ye wa, ko le ṣe ọ ni anfaani rara. Dandan ni ki Ọlọrun ba ọ wi ni ibamu pẹlu igberaga rẹ. (Wo: Hébérù 13:17)

O wa ṣeni laanu pe ọpọ ninu ijọ loni ni igberaga kọ jẹ ki wọn fi ara balẹ kọ awọn nkan ti yoo ṣe wọn ni anfaani tabi ti yoo jẹ ki wọn ni iriri ẹkunrẹrẹ didara Ọlọrun ti ko ba jẹ ti wọn nipasẹ awọn adari wọn. Awọn wọnyi dabi awọn gbajumọ aarin awọn ọkunrin Tẹ́kóà ti a mẹnuba ninu iwe Nehemáyà, ti wọn kọ lati teriba fun awọn adari wọn ni akoko ti gbogbo awọn eniyan n tun odi Jerusalẹmu mọ (Nehemáyà 3:5). Iru awọn eniyan yi n ma n di ilọsiwaju iṣẹ Ọlọrun laarin awọn eniyan rẹ lọwọ laimọ. Nitorina, Oun naa a si din ọwọ iṣẹ rẹ ku ninu aye wọn.

Ṣe o wa ri bayi pe iṣọtẹ si awọn alaṣẹ ko le ṣe ọ ni anfaani rara. Nitorina, ri daju pe o mojuto irufẹ igberaga yowu ti o le wa ninu rẹ, ti o si n jẹ ki o ṣe orikunkun si awọn ti Ọlọrun ti yan gẹgẹ bi adari fun ọ. Ki Ẹmi Ọlọrun dari rẹ, ki O si tun fun ọ ni okun lati ṣe ohun ti o tọ lori ọrọ yi, ni orukọ Jesu. Amin.

Ki o ni ọsẹ alarinrin.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)

Olufẹ: ki oore-ọfẹ, aanu ati alaafia jẹ tirẹ lati ọdọ Ọlọrun Baba wa ati Jesu Kirisiti Oluwa wa. Inu mi dun lati ki ọ kaabọ sinu ọsẹ miran ninu oṣu Ògún 2022. Mo si gbadura pe ki Ọlọrun ma fi gbogbo igba tẹri ọkan rẹ ba niwaju rẹ, ki o ba le tẹwọgba ọ̀rọ̀ rẹ fun ìgbéró, ìgbéga ati ìgbàlà ojoojumọ rẹ. Amin.

Pọọlu, nigba ti o n kọ iwe si Timoti ninu lẹta kan, sọ fun pe, “Nitori pe akoko kan yoo de, ti wọn ki yoo le fetisi ẹkọ ti o yẹ kooro; ṣugbọn bi wọn ti jẹ ẹni ti eti n rin, wọn o lọ ko awọn olukọ jọ fun ara wọn ninu ifẹkufẹẹ ara wọn. Wọn o si yi eti wọn pada kuro ninu otitọ, wọn o si yipada si itan asan.” (2Timoti 4:3-4) Awọn wo ni apọsiteli yi n tọka si ni ibi yi? Ṣe awọn alaigbagbọ ni bi? Rara o! Awọn kan ti wọn pe ara wọn ni Kirisitiẹni ni o n tọka si, awọn kan ti wọn n pariwo wi pe awọn ti di atunbi nipa igbagbọ ninu Kirisiti Jesu.

Ki wa ni Pọọlu sọ nipa wọn eniyan wọnyi? O sọ wipe iha ti wọn kọ si otitọ Jesu Oluwa wa ko dara rara. Lọna wo wa ni iha ti wọn kọ si otitọ Jesu ko gba dara? Akọkọ, bi o ti ṣe fi ye wa, wọn kọ lati faramọ otitọ naa. Eyi tunmọ si pe, wọn korira rẹ, wọn ko si fẹ tẹwọ gba. Pọọlu tilẹ sọ wipe wọn yi eti wọn pada kuro lati ma gbọ otitọ ti a n mu tọ wọn wa. Ki si ni idi? Idi ni pe o n bi wọn ninu, o si n pa wọn lara. Ki lo wa fa ti o ṣe n bi wọn ninu, ti o si n pa wọn lara? Idi naa ni pe o lodi si igbe aye wọn.

Boya iwọ naa gan tilẹ korira lati gbọ otitọ nipa Ọlọrun tabi nipa ara rẹ tabi nipa aye lapapọ. Boya nṣe ni iwọ naa n fi gbogbo igba kọ eti ikun si otitọ nigba ti a ba mu tọ ọ wa. Nkan ti eyi n fi han daju naa ni pe aye rẹ lodi si, o ko si fẹ gba bẹ ẹ. Nitorina, o ko le lailai bọ kuro lọwọ nkan yowu ti o gbe ọ de, ti o si n pa ọ run, nitori pe otitọ nikan ni o ma n sọ eniyan di ominira (Johanu 8:32).

Nkan miran ti Pọọlu tun sọ nipa awọn ti wọn pe ara wọn ni Kirisitiẹni yi pe wọn a ma ko ọpọlọpọ awọn olukọ jọ ti yoo ṣọ nkan ti eti ti o n rìn wọn fẹ gbọ fun ara wọn. Eyi tunmọ si pe awọn wọnyi mọ nkan ti wọn fẹ gbọ. Ṣugbọn ko ki i ṣe otitọ ni. La ti si tẹ ifẹ ara wọn lọrun, wọn le ṣe ohunkohun lati wa awọn ti yoo sọ nkan ti wọn fẹ gbọ fun wọn. Bi wọn si wa nilo lati san ọpọlọpọ owo lati ṣe eyi, wọn yoo ṣe.

Ko wa jẹ iyalẹnu rara pe a ni ọpọlọpọ oniwaasu loni ti wọn ti fi otitọ Jesu silẹ lati ma kọ irọ, itan-atẹnudẹnu ati awọn isọkusọ miran ti o fi ara pẹ wọn. Ki o si wa ma wo o, awọn naa ni ọpọlọpọ eniyan ti o n tẹle wọn lọ si ibikibi ti wọn ba dorikọ.

Wayi o, boya iwọ naa ni awọn nkan ti o fẹ gbọ lati ẹnu Ọlọrun tabi awọn adari ijọ rẹ ti o yatọ si otitọ. O le jẹ pe awọn nkan kan wa ti o fẹ ti ẹnu Ọlọrun gbọ lori owo, ibalopọ, ifarajin Kirisitiẹni ati bẹẹ bẹẹ lọ, ti o si yatọ si nkan ti O fẹ sọ fun ọ. Mo fẹ ki o mọ pe o ko le lailai bọ kuro ninu pakutẹ ẹṣẹ ati iku ayafi ti o ba rẹ ara rẹ silẹ lati gbọ ati lati tẹwọgba otitọ ti O n sọ fun ọ. Bẹni, o le lọ lati ori-oke adura de ori-oke tabi lati lati ọdọ wolii de ọdọ wolii. Ṣugbọn niwọn igba ti o ba jẹ wipe nkan ti o fẹ gbọ ko ki i ṣe nkan ti Ọlọrun fẹ sọ fun ọ amọ nkan ti eti ti o n rin ọ fẹ gbọ, o ko le lailai ni iriri igbala tabi igbega ti o n wa kiri.

Nitorina, ki ni o fẹ gbọ? Ṣe otitọ Ọlọrun ti yoo mu ominira to peye wa sinu aye rẹ ni tabi irọ ati itan arosọ awọn eniyan ti ko ni agbara lati fun ọ ni iranwọ ti o dangajia kankan? Nitemi o, otitọ Ọlọrun ni mo fẹ ma fi gbogbo igba gbọ. Idi si ni yi ti mo fi darapọ mọ Abakuku lati sọ wipe, “Lori ile iṣọ mi ni emi o duro, emi o si gbe ara mi ka ori alore, emi o si ṣọ lati ri ohun ti yoo sọ fun mi, ati esi ti emi o fọ, nigba ti a ba n ba mi wi.” (Ábákúkù 2:1)

Ki o ni ọsẹ alarinrin.

Copyright © 2022, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministry.com or call: 08037592851 (WhatsApp Number: 07085711280)