Uncategorized

J.O. Lawal | Ojo: Erẹna 14, 2021 | Nomba: Vol. 9, No. 45

Olufẹ: kaabọ sinu ọsẹ miran ninu oṣu Ẹrẹna 2021. Mo gbadura pe ki o gba okun lati ṣe amulo oore-ọfẹ Ọlọrun lati tayọ ninu rẹ, ni orukọ Jesu. Amin.

learn more here

Wayi o, ọrọ iyanju mi si ọ bi a ṣe n bẹrẹ ọsẹ tuntun yi ni pe ki o ma fi gbogbo igba fi ara rẹ han gẹgẹ bi ẹni ti Ọlọrun le gbọkanle lati mu iṣẹ rẹ tẹsiwaju. Jesu Oluwa wa, ni igbakan, pa owe kan fun awọn eniyan, O wi pe, “Ṣugbọn kin ni ẹyin n ro? ọkunrin kan wa ti o ni ọmọ ọkunrin meji; o tọ ekini wa, o si wi pe, ọmọ lọ ṣiṣẹ lonii ninu ọgba ajara mi. O si dahun wi pe, Emi ki yoo lọ: ṣugbọn o ronupiwada nigbẹyin, o si lọ. O si tọ ekeji wa, o si wi bẹẹ gẹgẹ. O si wi fun un pe, Ẹmi o lọ, baba: ko si lọ. Ninu awọn mejeeji, ewo ni o ṣe ifẹ baba rẹ?” (Matiu 21:28-31)

Kedere lo han pe owe yi jẹ eyi ti a sọ lati tẹ mọ wa leti bi o ṣe ṣe pataki to fun wa lati duro niwaju Ọlọrun gẹgẹ bi ẹni ti o le fọkantan. Bi owe na ṣe lọ, ọmọkunrin akọkọ ti baba inu owe na sọ fun gbangba-gbangba pe oun ko ni lọ ṣiṣẹ ninu ọgba ajara rẹ nigba ti o sọ pe ki o lọ. Idi wo ni o ṣe sọ eyi? A ko sọ fun wa. Ṣugbọn ko ṣetan lati jẹ bi baba rẹ ro pe oun o lọ ṣe nkan ti ko pinnu lati ṣe. Ṣe eyi wa tunmọ si pe o dara bi o ṣe kọ lati ṣe iṣẹ baba rẹ? Rara o. Amọ, bi ko tilẹ bojumu, nipa ṣiṣe oloootọ si i, o jẹ ki o le ronu ọna miran ti iṣe rẹ yoo fi jẹ ṣiṣe.

Ọna miran wo ni baba yi wa gba lati jẹ ki iṣẹ rẹ di ṣiṣe? Eyi ni i ṣe pẹlu riran ọmọkunrin rẹ keji lati ṣe iṣẹ na. Nigba ti o si ba ọmọ yi sọrọ, ni kiakia ni o dahun, ti o si sọ pe, “Bẹẹni sa, ma lọ.” Amọ ṣa o, ko lọ rara. Ki ni idi ti ko fi lọ? A ko sọ fun wa. Ṣugbọn koko ọrọ ṣa ni pe o kan fun baba rẹ ni ireti asan ni; ko ṣe ifẹ rẹ rara. Nitorina, o jẹ ẹnikan ti ko ṣe gbara le. Ni idakeji ẹwẹ, ọmọkunrin baba yi akọkọ, ti o ti sọ pe oun ko ni lọ ṣiṣẹ ninu ọgba ajara rẹ, ronupiwada nigba ti o ya, o si lọ lati ṣe ifẹ baba rẹ. Nitorina, bi o tilẹ jẹ pe ni ibẹrẹpẹpẹ ko fi ara rẹ han bi ẹni ti baba rẹ le gbọkan le lati ṣe iṣẹ rẹ, oun lo wa fi ara rẹ han bi ẹni ti o ṣe e gbẹkẹle ni ikẹyinkẹyin.

Ni ọna kanna, Ọlọrun n wa awọn ti O le gbọkan le lati ṣe iṣẹ rẹ loni, yatọ si awọn afọnnu lasan. O n wa awọn ti ko ni pa iṣẹ rẹ lati gba awọn eniyan la, lati gbe awọn eniyan soke ati lati tun aye awọn eniyan to ti, fun idi kankan. Njẹ iru eniyan yi ni mo wa jẹ bi? Njẹ iru eniyan yi ni iwọ na jẹ bi? Abi afọnnu lasan ni wa?

Pọọlu sọ nipa ara rẹ pe, “Mo dupẹ lọwọ ẹni ti o fun mi ni agbara, ani Kirisiti Jesu Oluwa wa, nitori ti o ka mi si oloootọ ni yiyan mi si iṣẹ rẹ.” (1Timoti 1:12) Ṣe o ri bayi? Ọlọrun ri Pọọlu gẹgẹ bi ẹnikan ti Oun le fa ọrọ rẹ, ẹbun ẹmi rẹ ati aye awọn eniyan le lọwọ lai gba idojuti. O ri gẹgẹ bi ẹni ti Oun le gbọkanle lati wa ni ibi ti Oun ba fẹ ki o wa, ni igba ti Oun ba fẹ ki o wa nibẹ, ki o si tun ma ṣe ohunkohun ti Oun ba fẹ ki o ma ṣe nibe. Ṣe o wa ja a kulẹ tabi ko ja a kulẹ? Rara o, ko ja a kulẹ. Dipo eyi, nṣe ni o ri daju pe oun ko fi oore-ọfẹ rẹ ṣofo ati pe oun ko fi ohunkohun ti O fẹ ki oun ṣe silẹ lalai ma ṣe.

Awa na gbọdọ pinnu lọkan wa lati ma ja Ọlọrun kulẹ ṣugbọn lati fi ara wa han bi ẹni ti o le gbọkan le ninu ohun gbogbo ti O ba fun wa tabi ti O ba ni ki a ṣe. A gbọdọ pinnu lati ma ṣe pa iṣẹ rẹ ti fun idi kankan tabi lati ma ṣe ileri lati sin awọn eniyan rẹ ni ọna ti a ko ni lọkan lati sin wọn. Nipa ṣiṣe eyi, Oun yo le gbọkan le wa lati fun wa ni awọn ẹbun rẹ ati iṣẹ iranṣẹ rẹ si ati lati fun wa wi ere ti o pọ si (Luuku 16:10). Yatọ si eyi, nipa ṣiṣe bayi, a n tun fun awọn onigbagbọ ti o wa ni ayika wa ni okun ati imọkanle lati jẹ olotitọ si Ọlọrun bakanna.

Ka tilẹ sọ otitọ, ọkan pataki lara awọn idi ti ọpọ awọn ọmọ Ọlọrun koṣe jẹ eni ti o ṣe darade loni ni pe wọn ko ni ọpọlọpọ apẹẹrẹ awọn ti o ṣe fọkanta ni ayika wọn. Awọn apẹẹrẹ ti wọn n ri ni ọpọ igba jẹ ti awọn fi oni ku, fi ọla dide tabi apẹẹrẹ awọn ti o n ṣi ẹbun Ọlọrun, awọn eniyan Ọlọrun ati awọn nkan ini ijọba Ọlọrun lo. Ti o ba si jẹ ọkan lara iru awọn eniyan yi, mọ pe o ko fun awọn ọmọ Ọlọrun ti iwuri tabi oriyin lati jẹ olotitọ ṣugbọn ẹni ti ko ṣe gbara le. Ko si si bi Ọlọrun yoo ṣe ri ọ bi alailẹṣẹ ninu bi o ṣe n pa awọn eniyan rẹ ati iṣẹ rẹ yowu ti o n ṣe lara. Nitorina, ji kuro ni ogbe ti o n to, ki o si bẹrẹ si ni fi ara rẹ han gẹgẹ bi olotitọ ninu iṣẹ iṣin rẹ si Ọlọrun. Njẹ ki o gba okun lati ṣe eyi titi de opin, ni orukọ Jesu. Amin.

Ki o jẹgbadun ọsẹ rẹ.

Copyright © 2021, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to alaythiabiblechurch@gmail.com/alaythia4all@gmail.com or call: 08037592851 (WhatsApp Number: 07085711280)

J.O. Lawal | Ojo: Erẹna 21, 2021 | Nomba: Vol. 9, No. 46

Olufẹ: ki oore-ọfẹ, aanu ati alaafia jẹ tirẹ lati ọdọ Ọlọrun Baba wa ati Jesu Kirisiti Oluwa wa. Kaabọ si ọsẹ tuntun miran ninu oṣu Ẹrẹna 2021. Adura mi si ni pe ki a ṣe ọ yẹ pẹlu ohun rere gbogbo ti o nilo lati pọ si ni iwulo ni ọwọ Ọlọrun ati nibikibi ti o ba wa, ni orukọ Jesu. Amin.

Ọkan lara ẹkọ ti itan Josefu kọ wa ni pe wiwa Ọlọrun ninu aye wa le jẹ ki a ma fi gbogbo igba pọ si ni iwulo, ti a ba le kọ lati ṣe amulo rẹ. Fun apẹẹrẹ, ni igba ti o wa ni ile Potifa gẹgẹ bi ẹru, Ọlọrun jẹ ki olowo rẹ fẹran rẹ, ki o si tun ṣi oju aanu wo. Ọna wo si ni Ọlọrun gba lati ṣe eyi? O ṣe eyi nipa mimu un pọ si ni iwulo. Ma ṣe gbagbe pe ẹru lasanlasan ni ninu ile ọkunrin na. Ọga yi ko si ra a nitoripe ko ni anito awọn ẹru ti o fẹ fi ifẹ han. Dipo eyi, o o ra ki o ba le bukun iyi ile rẹ ni. (Wo: Jẹnẹsisi 39:1-2)

Ti o ba wa jẹ pe Josefu ko ma ṣe awọn nkan ti yo mu ete ti olowo rẹ fi ra wa si imuṣẹ, ṣe ọkunrin na yoo fẹran rẹ bi o ṣe fẹran rẹ? Mi o ro bẹ. Nkan ti o ṣeeṣe ki o wa ye ni ki olowo rẹ bẹrẹ si ni ronu bi yo ṣe gba yọ kuro ni ile rẹ, ki o ba ye fi awọn nkan ini rẹ ṣofo. Ṣugbọn nitoripe o n bukun iyi ile Potifa, o n ṣe amojuto awọn nkan ini rẹ ati ohun gbogbo ti o n lọ ni ile rẹ daradara, o si tun n jẹ ki o ṣe orire si lojoojumọ, Potifa ko le ṣe alai ma fẹran rẹ ati alai ma jẹ ki o wa ni akata rẹ nigbogbo igba. Ni kukuru, o fa ohun gbogbo ti o ni i ṣe pẹlu idile rẹ le e lọwọ, ki oun naa ba le ri aye gbajumọ iṣẹ isin rẹ si Farao. (Wo: Jẹnẹsisi 39:3-7)

Ni bakanna, awọn adari ijọ, ile-iṣẹ nla, ile-iwe, ile-okowo ati idile paapa naa ma n fi gbogbo igba nilo awọn eniyan bi Josefu. Nkan ti mo n sọ ni pe gbogbo awọn wọnyi ni o nilo awọn eniyan ti wọn le fa awọn abala iṣẹ wọn kan le lọwọ, ki wọn ba le fi ẹdọ le ori oronro sun, pẹlu ifọkanbalẹ pe irufẹ awọn wọnyi yoo ṣe ju nkan wọn ti n reti lọ. Ibanujẹ ni o wa jẹ pe iru awọn wọnyi ṣọwọn gidigidi loni. Mo n sọ pe awọn eniyan ti o ma n lepa lati pọ si ni iwulo, ti wọn si tun ṣe fi ọkan tan nibikibi ti wọn ba wa ṣoro lati ba pade.

Ki wa gan ni o fa eyi? Akọkọ, idi kan gboogi ti o fa ni pe ọpọ ọmọ Ọlọrun ni ko ki i rin pẹlu afiyesi pe Ọlọrun n fi gbogbo igba wa pẹlu wọn. Ṣe o ri, ọmọ Ọlọrun kọọkan ni o ni amuyẹ lati jẹ eni ti o wulo lọpọlọpọ, ti o si tun ṣe gbe ara le nibikibi ti o ba ti ba ara rẹ. Ṣugbọn ti ko ba ma rin pẹlu afiyesi pe Ọlọrun wa pẹlu oun lati jẹ ki oun ri ojurere gba ati lati jẹ ki oun ṣe aṣeyọri ninu ohun gbogbo ti oun ba dawọle, o le ma fi ara rẹ jin lati ṣe awọn nkan ti yoo fi han gẹgẹ bi ẹni ti awọn eniyan le fa awọn akanṣe iṣẹ le lọwọ.

Idi keji ni pe ọpọ ọmọ Ọlọrun, bi mo ti sọ siwaju, ti o jẹ pe o yẹ ki wọn jẹ ẹni ti o wulo lọpọlọpọ, ti o si tun ṣe fi ọkan tan nibi ti wọn wa, ni ko fi aye gba ọrọ Ọlọrun lati fọ awọn iwa ati aṣa radarada ti o n di wọn lọwọ mọ kuro ninu aye wọn. Fun apẹẹrẹ, ninu lẹta Pọọlu si Titu, o sọ fun pe o nilo lati ba ọpọ ninu awọn ọmọ ijọ ti o n dari ni Kirete wi gidigidi nitori awọn asakasa kan ti wọn ni, awọn aṣa ti o n din iwulo ati pataki wọn ninu eto Ọlọrun fun wọn ku. Ki si ni awọn aṣa yi? Ara wọn ni orikunkun, irọ pipa, iwa ipanle, ọlẹ ṣiṣe ati iwa wọbia tabi ajẹranju. (Wo: Titu 1:10-13)

O wa ṣe ni laanu pe awọn nkan ti o farapẹ eyi ati awọn nkan ti o tilẹ tun buru ju eyi lọ lo tun n fa ifasẹyin fun ọpọ awa naa loni. A ri wipe iwa ọlẹ, agidi, aiṣootọ, igberaga, wọbia, aijafafa, afarawe awọn ti ko nikan ṣe ati bẹẹbẹẹ lọ n ṣọ wa di alaiwulo ni ọpọ ọna ni ibi ti a n gbe, ti a ti n ṣiṣẹ tabi ti a ti n kẹkọ ati papa ni ọpọlọpọ ijọ wa. Ni kukuru, awọn nkan wọnyi ni ọpọ igba lo n jẹ ki awọn ti Ọlọrun fẹ ẹ lo lati fa wa soke ri wa bi ẹni ti ko yẹ fun igbega tabi bi ẹni ti a ko le fun ni ojuṣe tabi ohun elo ti yoo jẹ ki ogo rẹ tan. Ti a ko ba si rẹ ara wa silẹ, ki a si bẹrẹ si ni mu ọrọ ibawi tabi atunṣe ti Ọlọrun n ran si wa lori awọn nkan wọnyi ni pataki, a le ma ri igbega kuro ninu ipo lasan ti a wa ni aye yi.

navigate to this website

Nitorina, bi a ṣe n bẹrẹ ọsẹ tuntun yi, bẹrẹ si ni mojuto gbogbo awọn iwa ati aṣa aye rẹ ti ko bu iyi kun iṣẹ rẹ tabi aye awọn ti o wa ni ayika rẹ, dipo ti o o fi ma wa awawi fun wọn. Ki Ọlọrun si fi okun kun ọkan rẹ lati mu ọrọ yi ni ọkunkundun, ki o ba le ni iriri igbega rẹ ni aye rẹ. Amin.

Ki o ni ọsẹ ti o ga.

Copyright © 2021, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to alaythiabiblechurch@gmail.com/alaythia4all@gmail.com or call: 08037592851 (WhatsApp Number: 07085711280)

J.O. Lawal | Ojo: Erẹna 28, 2021 | Nomba: Vol. 9, No. 47

Olufẹ: ki oore-ọfẹ, aanu ati alaafia jẹ tirẹ titi lailai lati ọdọ Ọlọrun Baba wa ati Jesu Kirisiti Oluwa ati Olugbala wa. Inu mi dun lati ki ọ kaabọ sinu ọsẹ miran ninu ọdun yi. Adura mi si ni pe gbogbo ilẹkun ire ati igbega ti a ti mọ ọ ni ki Ọlọrun ṣi gbayawu fun ọ ninu ọsẹ na, ni orukọ Jesu. Amin.

Wayi o, yatọ si adura gbigba, ọna gbankọgbi miran ti a le gba mu ki Ọlọrun ṣi ilẹkun oju rere fun wa ni ki a ma ja a lole, ṣugbọn ki a ma fun ni ohunkohun ti O ba n bere lọwọ wa. Njẹ a tilẹ le ja Ọlọrun lole? Ṣe o tilẹ ṣeeṣe? Bẹẹni, o ṣeeṣe. Fun apẹẹrẹ, Ọlọrun fi ẹsun kan awọn Juu igba aye Malaki pe wọn n ja Oun lole nipa ṣiṣe alaiṣootọ niti idamẹwa ati ọrẹ wọn. Amọ tani awọn idamẹwa ati ọrẹ wọnyi wa fun? Ṣe Ọlọrun ni? Rara o! Dipo eyi, wọn wa fun awọn aluufa ti o ṣiṣẹ sin awọn eniyan yi, awọn ọmọ Lefi ti o wa kaakiri ilu wọn, awọn opo, awọn alainibaba, awọn ajoji ati awọn akuṣẹ ti o wa ni ilu. (Wo: Ditaronomi 14:28-29&26:12-15; Malaki 3:8-9)

Sibẹsibẹ, nigba ti awọn Juu yi kọ lati jẹ olootọ ni dida idamẹwa ati ọrẹ wọn fun awọn ti Ọlọrun ti pa a laṣẹ fun wọn lati ma da wọn fun, O pe wọn ni adigunjale. Nitoripe wọn si n ja a lole ni ọna yi, awọn ilẹkun ibukun kan di titi mọ wọn. Yatọ si iyẹn, awọn ajẹnirun naa tun n jẹ ere iṣẹ ọwọ wọn, wọn si jẹ ki wọn ma ṣe aṣedanu. Bi O ti wa fi ye wọn, ọna abayọ kan ṣoṣo ti o wa fun wọn naa ni ki wọn ronupiwada, ki wọn si bẹrẹ si ni ṣe ohun ti o tọ (Malaki 3:10-12).

Ni afikun, nigba ti O n ba awọn Juu igba aye Hagaii sọrọ, Ọlọrun sọ fun wọn pe idi kan pataki ti gbogbo wọn fi n ni iriri aṣedanu, bi o tilẹ jẹ pe wọn n ṣiṣẹ karakara, ni pe wọn pa kikọ tẹmipili rẹ ti. Awọn eniyan yii ni akoko ati owo lati kọ ile daradara fun ara wọn. Ṣugbọn gbogbo igba ni wọn n sun kikọ tẹmipili Ọlọrun si ọjọ iwaju ti ko ni gbedeke. Nitorina, O binu si wọn, O si ti ọpọlọpọ ilẹkun aṣeyọri mọ wọn. Bi O ṣe wa fi ye wọn nipasẹ Hagaii, ayafi ti wọn ba ronupiwada, ti wọn si bẹrẹ si ni ṣe ohun ti o tọ, wọn ọn o ni bọ ninu iṣẹ. (Wo: Hagaii 1)

Ni bakanna, bi o tilẹ jẹ pe awa ti a wa ninu Kirisiti Jesu ko gba iru ofin kanna lori fififunni bi ti awọn Juu ti o wa ni abẹ majẹmu atijọ, awa na gba awọn aṣẹ ti o daju lori fifi fun awọn ti o n bọ wa pẹlu pẹlu ọrọ Ọlọrun, iṣẹ iranṣẹ wọn ati awọn alaini ti o wa ni aarin wa (Roomu 12:13&15:16; 1Korinnti 9:14; Galatia 6:6). Lotitọ, ohunkohun ti a ba fun wọn gbọdọ wa lati ọkan wa, pẹlu inu didun ati ni iwọn bi nkan ini wa ṣe pọ to (1Korinnti 16:2; 2Korinnti 8:12&9:7). Ṣugbọn a ko gbọdọ kuna lati ma ṣe OJUṢE wa, lati jẹ OLOOTỌ, lati jẹ ẸNI TI O NIPINNU lati ṣe ohun ti o tọ ati lati jẹ ẸNI TI O N ṢE DEEDE lori ọrọ yi. Aijẹbẹ, awọn naa yoo di ẹni ti n ja Ọlọrun lole.

click over here now

Wayi o, a le wa ma ja Ọlọrun lole lọnakọna, ki a si tun ma reti pe ki Ibukun rẹ ma a ṣan bi omi odo ninu aye wa. Lotitọ, a le ni oriṣiriṣi awawi fun bi a ṣe n ja a lole. A le sọ pe nitoripe a ko ni nkankan ni tabi nitori pe a ko ni iṣẹ lọwọ ni tabi nitoripe bukata pọ jọọjọ lọrun wa ni tabi nitoripe ọmọ ile-iwe si ni wa ati pe a tun kere lọjọ ori pupọ. Ṣugbọn nkankan ni o daju, eyi si nipe, niwọn igba ti a ba n ja Ọlọrun lole, ko si bi a ṣe fẹ ni iriri asẹyọri ti o yẹ ki a ni laye yi.

Wo o, bi o ba tilẹ jẹ pe nṣe ni a n fun un ni ohun ti o kere si nkan ti a lagbara lati fun un, nṣe ni a n ja a lole, ti o si di dandan ki a ri bi o ṣe n ri fun awọn ti o ba n ja a lole. Boya idi ti eto iṣuna rẹ ko ṣe gbera soke tabi fi gbogbo ara yatọ lati bi ọdun melokan sẹyin ni pe o n ja Ọlọrun lole. Tabi boya idi ti awọn ilẹkun kan ti o ti n kan fun ọpọ ọdun ṣe wa ni titipa ni pe o ti n lo awọn nkan ti o jẹ ti Ọlọrun fun ara rẹ. O nilo lati ronupiwada loni, ki o si bẹrẹ si ni ṣe ohun ti o yẹ. Aijẹbẹ, ki Ọlọrun ma jẹ ko ribẹ fun ọ o, afaimọ ki ọrọ rẹ ma tun lọ buru si.

Ki o ni ọsẹ alarinrin.

Copyright © 2021, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to alaythiabiblechurch@gmail.com/alaythia4all@gmail.com or call: 08037592851 (WhatsApp Number: 07085711280)

J.O. Lawal | Ojo: Igbe 28, 2021 | Nomba: Vol. 9, No. 48

Olufe: Inu mi dun lati ki ọ kaabọ sinu oṣu Igbe 2021. Mo si gbadura pe ki o ni iriri oore-ọfẹ ati ojurere Ọlọrun ti o to bẹẹ, ti o si tun ju bẹẹ lọ, fun itayọ rẹ ninu oṣu na, ni orukọ Jesu. Amin.

Bi a ṣe bẹrẹ oṣu tuntun yi, mo fẹ gba ọ niyanju lati kọ bi a ṣe n ṣe amulo oore-ọfẹ Ọlọrun lati ma fi ojoojumọ pọ si ni iwulo fun Ọlọrun ati fun ijọ rẹ. Ọlọrun, bi a ṣe fi ye wa ninu iwe mimọ, ko gba wa la, ki O si tun fi wa sinu ara Kirisiti, ki a ba le jẹ alaiwulo ninu ijọba rẹ. Dipo eyi, O gba wa la, O kun wa pẹlu Ẹmi Mimọ rẹ, O si tun bukun fun wa pẹlu oniruuru ẹbun ẹmi, ki a ba le je aṣoju rẹ tootọ ninu aye yi, aṣoju ti O le lo fun irufẹ iṣẹ rere yowu ti O ba fẹ ki o jẹ ṣiṣe.

Ṣugbọn ṣe a n fi ara wa jin lati wulo fun Ọlọrun ati ijọ rẹ bi? Eyi ko ni nkankan ṣe pẹlu bi a ti ṣe pe ninu ijọ to tabi bi ẹbun ẹmi wa ti ṣe pọ to. Dipo bẹ, o ni i ṣe pẹlu itara ọkan wa lati ṣe amulo oore-ọfẹ rẹ ti o n ṣiṣẹ ninu aye wa ni ọna ti o peye. Fun apẹẹrẹ, ninu lẹta rẹ si Filimoni nipa Onisimu, Pọọlu sọ pe, “Emi bẹ ọ fun ọmọ mi ninu Kirisiti, Onisimu, ẹni ti mo bi ninu ide mi: Ẹni ti o je alailere fun ọ nigba kan ri, ṣugbọn nisinsinyi o lere fun ọ ati fun mi.” (Filimoni 10-11)

Njẹ o ri bayi? Onisimu, nigba ti Jesu ko i ti yi aye rẹ pada, jẹ alaiwulo eniyan kan, bi o tilẹ jẹ pe itunmọ orukọ rẹ gan ni ‘Ọmόlérè’. Nitorina, pe orukọ rẹ tunmọ si ‘Alaasiki’ ko jasi pe o o ṣe orire ni aye. Pe orukọ rẹ si tunmọ si ‘Alaafia’ ko jasi pe o o ni alaafia ninu aye rẹ tabi ninu igbeyawọ rẹ. Ti o ko ba jẹ ki Ọlọrun gba akoso aye rẹ, ki O si ba ọ gbe e, ko si bi orukọ rẹ ṣe dun to leti tabi bi itunmọ rẹ ṣe dara to, o le ma ba aye rẹ dọgba.

recommended site

Ki a ma fi ọrọ silẹ sọ nkan mi, bi o tilẹ jẹ pe aye Onisimu fi igbakan jẹ aye alaiwulo ati aye ti ko ni itunmọ, nigba ti o fi aye gba ki Jesu gbajọba rẹ, ẹri rẹ bẹrẹ si ni yipada. Nigba ti o si to akoko kan, Pọọlu apositeli gan le fi ọwọ sọya sọ fun ọga arakunrin yi, iyẹn Filimoni, ti o sa kuro lọdọ rẹ, pe ki o gba a pada, nitoripe o ti di ẹni ti o wulo. Ọna ti ọkunrin yi ti wa gba wulo fun Pọọlu ni ko sọ fun wa. Amọ, o wulo fun un debi pe ko tilẹ wu u gan ki o jẹ ki o lọ. Nkan ti a si n sọrọ nipa na ni yẹn. A n ṣo pe Ọlọrun fẹ ki a wulo fun Oun ati fun awọn eniyan rẹ debi pe wọn ko ni fi igba kankan fẹ ki a fi awọn silẹ lọ si ibomiran. Njẹ ṣe bayi ni a ṣe wa n gbe aye wa?

Lafikun, wo nkan ti a kọ silẹ nipa Apolo ti aye igba bibeli: “Nigba ti o (Apolo) si fẹ kọja lọ si Akaya, awọn arakunrin gba a ni iyanju, wọn si kọwe si awọn ọmọ-ẹyin ki wọn ki o gba a: nigba ti o si de, o ran awọn ti o gbagbọ nipa oore-ọfẹ lọwọ pupọ.” (Iṣe Apositeli 18:27) Ki ni idi ti awọn eniyan Ọlọrun ni Efesu ṣe fọwọsọya lori rẹ fun awọn eniyan Ọlọrun ti o wa ni Akaya? Idi ni pe wọn gbagbọ pe yoo wulo fun wọn ti o ba de ọdọ wọn. Ṣe o wa dojuti wọn bi? Rara o! Dipo bẹ, bibeli sọ pe o wulo lọpọlọpọ fun awọn ti o ti ti ipasẹ oore-ọfẹ gbagbọ. Eyi jasi pe o ran awọn eniyan wọnyi lọwọ ni awọn ọna ti o ga pupọ lati dagbasoke si ninu igbagbọ wọn ati lati ma wuwa wu Ọlọrun siwaju ati siwajusi.

Ṣe a wa le sọ nkankanna nipa wa bi? Ṣe a le sọ pe a wulo lọna kankan fun awọn ọmọ Ọlọrun ti o wa ninu ijọ wa, adugbọ gba, ile-iwe wa, ibi iṣẹ wa tabi ibi okowo wa? Ki ni ipa ti a n ko ninu idagbasoke awọn ọmọ Ọlọrun ti o wa ninu aye wa ati ni ayika wa? Ki ni ipa ti a n ko lori ifẹsẹmulẹ awọn ara wa ninu ijọ ti a wa? Ki ni ipa ti a n ko lori ki awọn adari ijọ wa ba le munadoko si ninu iṣẹ iranṣẹ wọn? Ṣe a fi ara wa si ipo ẹni ti o wulo fun Ọlọrun ati awọn eniyan rẹ bi tabi nṣe ni a kan joko tẹtẹrẹ ninu ijọba rẹ, bi o tilẹ je pe oore-ọfẹ rẹ ti ko ni odiwọn ni a ti fi fun wa lọfẹ?

Ni kukuru, ko ki i ṣe Ọlọrun nikan ni o mọ idahun si awọn ibeere wọnyi; awa naa mọ wọn. A mọ boya a wulo fun Ọlọrun ati awọn ọmọ rẹ tabi a ko wulo. Ti a ko ba si fẹ ki Ọlọrun pe wa ni alailere lọjọ kan, a nilo lati jigiri ni bayibayi, ki a si bẹrẹ si ni i ṣe ohun ti o yẹ. Adura mi ni pe ki ọkan wa gba isọji ati okun lati ṣe bẹẹ gẹgẹ, ni orukọ Jesu. Amin.

Ki o ni oṣu Igbe 2021 ti o ga.

Copyright © 2021, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to pastor@abcministryng.com or call: 08037592851 (WhatsApp Number: 07085711280)